1. |
Arrain Hilak
03:28
|
|||
ARRAIN HILAK
Aske ote da txoria hegoengatik?
Edo ahula ote da tamainarengatik?
Ezin dugu inoiz jakin
Errebelde ote gara zapalkuntzagatik?
Ala otzan ote gara zapalkuntza hori
kuestionatzen dutenekin?
Erregeak zein dira peoiez jositako taula honetan?
Kulturaren engranaien olio faltaz
Aberasten diren horien memoria falta
Ahaztuta nondik zatozten?
Libre izateko
Gauza bat beharrezko
Sormenari oztopo
Egiteari uko
Ahaztuta nora goazen?
Musikaren erreinuan agintzeko
Bihotza gorde arima saltzeko
libre zara itsasora daraman korrontea aukeratzeko
arrain hilak bezalaxe
sortu, saldu, ahaztu eta hil
bada irtenbiderik
arnasgunerik
Erregeak zein dira peoiez jositako taula honetan?
Sortu, saldu, ahaztu ta hil
|
||||
2. |
Nor Da Piztia
02:59
|
|||
NOR DA PIZTIA?
Basoan ezkutaturik
Nork ehizatzen du nor?
Milagarren eguna beirazko zingira honetan
Letaginetatik daridan hatsak badu zer esan
Kakotik zintzilik gelditu ziren ametsak
Haragi puska naiz edertasunaren mesedetan
Plastikozko ezkutuek, tantaka dituzuen orratzek
Zorizko estadistikek
Salbu mantentzen zaituztela uste duzue
Ereindakoaren ustela gordinik jango duzue
Basoan izkutaturik bada hainbat pizti aske
Nork ehizatzen du nor?
Animalia orok defendatzen du odolez bada ere bere gotorlekua
Animalia orok erasotzen du bortxatu duen hura, galdetzeko:
Nor da piztia?
|
||||
3. |
||||
SISMOGRAFOA ETA LURRIKARA
Bareak badu ezinegon bat
Ertzean bizi nahi dugunongan
Gure lurrean dardarizoak
Matxura dakar sismografoan
Arrakaletan bizi den urak
Badu zer konta bizimoduaz
Basamortutzen diren orduak
Fruitua jaso nahi ta ezinduak
Egunen zauri lehorrez gozatzen ikasiak
Galerak utzitako hutsaz zer ospa daukagunak
Patua lurrikaretan errausten dugunak
Gara.
Senaren plaka tektonikoak
Aspaldi irla bihurtuak
Elkar batzeko intentzio errudun itsuaz
Porrotak gure mendilerroak
Sismografoa ta lurrikara
Bando berean indartu gara
|
||||
4. |
Penitentzia
04:55
|
|||
PENITENTZIA
Biderik bihurrena hartu nuen
Barkamenaren zelaiaren bila
Arantzen saminaz gozatu nuen
Katarsi, estasi nahiko ezean
Hala irakatsi didate bederen
Herejez mozorrotutako apaizek
Erruak egiten gaitu hoberen
Ea nork sentitzen duen gogorren
Penitentzia arren!
Harri astunak bota norberaren teilatura
Pisuaz jausten bada mina amaituko da
Ta orduan zer?
Ondo ikasia dugun lezio
Ez da barerik ekaitzik gabeko
Egunak dira gauaren ondoko
Munstroei atsedena emateko
Bizitza motza dela esan ziguten
Motzegia zoriona lortzeko
Zizareak dira bakarrak hemen
Ez dutenak inoiz goserik pasako
Jauna penitentzia arren!
Harri astunak bota norberaren teilatura
Pisuaz jausten bada mina amaituko da
Ta orduan zer?
|
||||
5. |
Zamalagun
03:29
|
|||
ZAMALAGUN
Zamalagun arazo berbera dugu
Esaidan zamalagun, itxaropenaren haziak agortu zaizkizu?
Ez, hosto eroririk ez udaberrian
Ez, malko itorik ez edalontzian
Zamalagun, zure tunelak argirik ez du
Zamalagun, ez al zara ohartzen, pisu hori zuk sortu duzu
Ez, hosto eroririk ez udaberrian
Ez, malko itorik ez edalontzian
Jaiotzetik zupakiaz gain oparitzen digute gure hobia aitzurtzeko pala
|
||||
6. |
Oskol Gogorrena
03:30
|
|||
OSKOL GOGORRENA
Ezjakinak batzen gaitu
Ikasiak, iritziak, banantzen gaituzten gisa
Orduan zergatik ote
Zure mandamentuak janarazten dizkidazula?
Zu segi zure lehian
Pulpitutik begira
Sotana jantzi beharrik ez,
interakzio guztietan barreiatzen duzu dogma
(baina kontuz) jainko autoizendatuak
Deabru bilakatzean bikoitz hartzen du zigorra
Zu segi zure lehian
Pulpitutik begira
Jaitsi gabe narrastion putzura
Lohirik ez zure besaulkian
Azpimundu honetan
Pozoia jana da, gosea lana da
Zure gaztiguei immuneak gara
Izutzeko gai denak ongi daki zein den puntu ahulena
Izutua izan denak ongi daki non den oskol gogorrena (x2)
Azpimundu honetan
Immuneak gara
|
||||
7. |
Erlojuaren Maitale
04:22
|
|||
ERLOJUAREN MAITALE
Erlojuaren maitale naiz, debozio otzana
Orratzak iltzaturikan tinko buruan eta sabel barruan
Zuriz margoturik paretak, denbora izoztuz
Meditazioan maisu naiz segundu bakoitza zenbatuz
Infinitua agortzen den zerbait
Bihurtzeko arriskuaz harrotzeko gara gai
Zaharkitzapen programatuak
Noiz eramango nauen erabaki dezan ez dut nahi
Eguna da hemen, baina zergatik, ilun bada?
Noiz, noiz, denbora ahazteko garaia, garaia, garaia
Infinitua agortzen den zerbait
Bihurtzeko arriskuaz harrotzeko gara gai
Zaharkitzapen programatuak
Noiz eramango nauen erabaki dezan ez dut nahi
|
||||
8. |
Beltz Gara
04:16
|
|||
BELTZ GARA
Iluntasunak ematen dit adorea
Ukitzeko begiek ikusi nahi ez dutena
Itsu berriak oker uste duen bezala
Gainontzekoentzako ikusezina dela
Beltz gara eguna hasten denean
Beltz gara denok berdin itzalpean
Beltz gara kolore guztiak nahastean
Beltz gara
Argia banintz bahituko nuke ilunetan laztantzen den oro
Argia banintz ilunduko nuke laztanetan bahitzen duen oro
Beltz gara…
Sinestesikoen munduan zein zapore ote du aitormenaren beldurrak?
Metakrilatorik sendoenak ezin du oztopatu gure izana
Iluntasunak ematen dit adorea…
Beltz gara…
|
||||
9. |
Frappuccino To Take Away
03:15
|
|||
FRAPPUCCINO TO TAKE AWAY
Autobusak oka egiten, oinezkoentzako kaleetan
zirimolatzen diren horiek dira hemen jabe
auzoa zen hilerrirantz doaz ezer jakin gabe
Nora irits daiteke hiri honen palletazio kulturala?
Opari paper batez bildu dute gure inguru naturala
Aldarriak turismo izar, amaren denda krisiak itxi,
Frapucchino to take away, gure mina salgai
Hitz berriak ikasi behar, bada sare zahar baten hondamena ulertu nahi
Zuentzako ikurriñak
Zubi gaina dena argi, ikuskizun,
Zubi azpia bertakoentat azken gotorleku
Ederra bista, errekonkista
Nora irits daiteke hiri honen palletazio kulturala?
Opari paper batez bildu dute gure inguru naturala
|
||||
10. |
Ametsak Ukigai
03:38
|
|||
AMETSAK UKIGAI
Aukeran duzu gure alderik umilena
Zintzo izan gaitezke, saria eman hurrena
Lo nahi gaituena ergel handiena
Atzoko ametsak gaur ukigai
Galtzen goaz herra
Idiak irriz doaz aurrera
Emaidazu gerra
Aitzakiren bat bihurtzeko naizena
Lo nahi gaituena ergel handiena
Atzoko ametsak gaur ukigai
|
||||
11. |
Erostrato
04:08
|
|||
EROSTRATO
Zilbor heste ebakien kondena
Ispilu biderkatuen krudela
Garai honen zigorrik handiena
Gure azalari kateaturik gaudela
Altxor baten bila hasi ote zenuen bidea?
Gezurrezko ontzietan bilatzen duzu asea
Zure nia, hain da sendo, gu gabe ezer ez dela
Umezurtza izateaz kontzienteago da orbela
Denok dugu Erostrato bat pospoloa eutsiz hatzetan
Xuxurlatuz Artemisaren tenplua bihurtzeko errautsetan
Mingain-dantzaren diana leihate eta paperetan
Jakingo bagenu su horrek gu geu erreko gaituela
Ospearen sari pozoindua
Artearen inkoherentzia loratua
Burujabetzearen egarriz eta
Zauriak miazkatzerako orduan
Bakarrik ez.
|
Liher Donostia San Sebastian, Spain
Liher taldea Hemen herensugeak daude izeneko 3. lan luzearekin datorkigu. 14 abestiz
osatutako transmedia proiektua da,
musika ez ezik ilustrazioa, narrazioa eta ikus-entzuneko
materiala biltzen dituena. Pieza guzti horien baturak amodioa, bortizkeria eta emakumearen
bakardadea gai nagusi dituen fikziozko istorio bat kontatuko digute.
... more
Streaming and Download help
If you like Liher, you may also like:
Bandcamp Daily your guide to the world of Bandcamp